ಮಿಂಚುಹುಳ

ನಾ ಕಂಡ ನನಸುಗಳಲ್ಲೊಂದು: ನಾ ಕಂಡ ನನಸ್ಸುಗಳಲ್ಲದೊಂದು ಮಿಂಚುಹುಳ,

ಮಲೆನಾಡಲ್ಲಿ ಸರ್ವೇಸಾಮಾನ್ಯವಾದ ಮಿಂಚುಗಳದ್ದೊಂದು ಪಾತ್ರ, ನಿಶಾಚಿರಿಗಳವು, ರಾತ್ರಿಯ ವೇಳೆ ಜಾಗರಣೆಯ ಹೂಡಿ ದೀಪವ ಹಿಡಿದು ಅಲ್ಲಲ್ಲಿ ಅದೇನನೋ ಜಾಲಾಡಿ ಹುಡುಕಹೊರಟಂತ ಭಾವ ಮೂಡುವುದು ಖಂಡಿತಾ, ಅಮವಾಸ್ಯೆಗೆ ಸಮೀಪಿಸುತ್ತಿದ್ದಂತೆ ಇವುಗಳ ಲಗ್ಗೆ,

ನಾನಂದು ದಿನ ಕಾಲೇಜು ದಿನಗಳಲ್ಲಿ ಮಿಕ್ಕಿದ ಅವಧಿಯಲ್ಲಿ ಗ್ಯಾರೇಜು ಕೆಲಸಕ್ಕೆ ಹೋಗಿ ಮನೆಗೆ ಹೊರಡುವಷ್ಟರಲ್ಲಿ ಗಂಟೆ ಎಂಟಾಗಿರುತ್ತಿತ್ತು, ಅಂದು ನನ್ನ ಬಳಿ ಬೈಸಿಕಲ್ಲು ಕೂಡಾ ಇರಲಿಲ್ಲ, 

ಬಸ್ಸಂತು ನಮ್ಮೂರಿಗೆ ಇರಲಿಲ್ಲ, ಎರಡೂವರೆ ಮೈಲಿ ನಡೆಯಬೇಕಿತ್ತು, ಕೈಯ್ಯಲ್ಲಿ ಸಣ್ಣದದೊಂದು ಜಂಗಮಗಂಟೆ ಕಾಲ್ಬೆಳಕಿಗೆ ಸಾಕಾಗುತ್ತಿತ್ತು, ರಸ್ತೆ ಯಾವುದು, ಚರಂಡಿ ಯಾವುದು ಮಟ್ಟು-ಉಡಿ(ಪೊದೆ) ಯಾವುದೆಂದು ತಿಳಿಯದಂತಹ ಕದ್ದಿಂಗಳ ರಾತ್ರಿ,

ಆ ದಿನ ಎಲ್ಲೆಲ್ಲೋ ಓಲಾಡಿಕೊಂಡು ಸಾಗಬೇಕಾದರೆ, ಕಾಲುಮೈಲು ಅನತಿ ದೂರದಲ್ಲಿ ರಸ್ತೆಯ ಇಕ್ಕೆಲಗಳಲ್ಲೂ ದೀಪಗಳಂತೆ ರಾರಾಜಿಸುತ್ತ ಹೊಳೀತಿದ್ದುದನ್ನು ಕಂಡೆ , ಹತ್ತಿರ ಸಮೀಪಿಸಿದಾಗಲೆ ತಿಳಿದಿದ್ದವು ಮಿಂಚುಹುಳಗಳೆಂದು, ಖುಷೀ ಅಗ್ಹೋತು, ಯಾಕಂದ್ರೆ, ಈಗ ಹಾದಿ ಎಲ್ಲಿದೆ ಅಂತ ತಿಳಿಯುತ್ತಿತ್ತು, ಅವುಗಳು ಸುರಕ್ಷಾ ಇಷಾರೆಗಳಂತೆ ಇಕ್ಕೆಲಗಳ ಬದಿಯಲ್ಲೂ ಇದ್ದವು ಹಂಗಾಗೀ, ಮನೆವರೆಗು ಯಾವ ತ್ರಾಸಿಲ್ಲದೆ ನಡೆದೆ,

ಮಲಗಿದ್ದ ಒಂದಿನ ರಾತ್ರಿ ಗಂಟೆ ಹನ್ನೆರಡರ ಹತ್ತತ್ರ,ಯಾಕೋ ಕಣ್ಬಿಡ್ತೀನಿ ಇಡೀ ಶಯನಾಗೃಹ ಬೆಳ್ಕೇ ಬೆಳ್ಕು , ಎಂತದಪ್ಪ ಅಂತ ದಿಟ್ಟಿಸಿ ಕಣ್ಬಿಟ್ಟೆ, ತಪ್ಪಿಸಿಕೊಂಡು ಕಿಟಕಿ ಕಂಡಿಯಲ್ಲಿ ನುಸುಳಿಕೊಂಡ ಮಿಂಚುಹುಳ, ದಿಕ್ಕೆಟ್ಟು ನಾಲ್ಕು ಮೂಲೆ ಗೋಡೆಗೂ ಮುಂಡ್ರಾಯ್ತಾ (ಡಿಕ್ಕಿ ಹೊಡೆದುಕೊಂಡು) ಬಳಲಿಕೊಂಡಂತೆ ಕಾಣಿಸಿತು, ನಾನಂದೇ ಅಲೋ ಮರಯ ಹೆಣ್ಣು ಹುಡುಕ್ತಾ ಬಂದಿಯಲಾ, ನಮ್ಮನೇಲಿ ಹೆಣ್ಣಿಲ್ಲೋ ಮರಯ , ಬೇಕಾರೆ ಅಂಗಳದಲ್ಲಿ ಹುಡುಕ್ಕೋ ಅಂತ, ಹಾರಿ ಬಿದ್ದು ಹಿಡ್ದೆ, ಅದಕ್ಕೊಂತರ ನಾಚ್ಕಿ ಆಗಿ, ದೀಪದ ಪ್ರಭಾವವನ್ನ ಕಡಿಮೆ ಮಾಡಿಕೊಂಡು, ಆತ್ ಮರ್ರೆ ಒಂಚೂರು ಅಂಗಳಕ್ಕೆ ದಾರಿ ತೋರಿಸಿ ಅಂದಂತೆ ಅನ್ನಿಸಿತು, ಕಿಟಕಿಯ ಚೂರು ಓರೆ ಮಾಡಿ ಹೊರಗೆ ಹಾರಿಬಿಟ್ಟೆ, ಸತ್ನೋ ಕೆಟ್ನೋ ಅಂತ ಧಮ್ ಕಟ್ಟಿ ರಭಸದಿ ಹಾರಿತು , ಈಗದರ ಬೆಳಕಿನ ಪ್ರಭಾವ ಹೆಚ್ಚಿತ್ತು, ತನ್ನ ಅಂಬರ ತಾರೆಯ ಹುಡುಕಲು ತನ್ನದೇ ಪ್ರಭಾವಳಿಯ ಪಸರಿಸಿಕೊಂಡು ಪಿಳ್ಳೆಮರದಡಿ ಮರೆಯಾಯಿತು, ನಾನೋಡಿಲ್ಲಂದಿದ್ರೆ ನಮ್ಮನೆ ಸಲಗದ(ಜೇಡದ) ಹುಳುವಿನ ಬಲೆಯೊಳ ಸೇರಿ, ಇನ್ನೊಂದಿಷ್ಟು ಬಲೆಹೆಣೆಗೆ ದೇಣಿಯಾಗುತಿತ್ತಲ್ಲವೆಂದು , ನನ್ನದೇ ಕನಸಿನ ಹೊದಿಕೆಯ ಹೊದ್ದು ಮಲಗಿದೆ…ಜೀರುಂಡೆಯ ನಿನಾದದಲಿ.

#ಮಿಂಚುಹುಳ #glowworm #minchuhula #malenaadu#glowworm_in_my_life #partofmalnad#ಮಲೆನಾಡ_ಅವಿಭಾಜ್ಯ_ಅಂಗಗಳಲ್ಲೊಂದು #ಗುಜಮಸ

#sachingjz#gumata#ಗುಮಟ#ತೀರ್ಥಹಳ್ಳಿ#thirthahalli

Advertisements

‘ವನಚೇತನ ‘ VanaChethana

   ‘ವನಚೇತನ ‘ನಿಸರ್ಗಧಾಮ’ – ತೀರ್ಥಹಳ್ಳಿಯಿಂದ 26ಕಿಮೀ ದೂರದಲ್ಲಿಯ ‘ಹೆದ್ದೂರು‘-ಗ್ರಾಮದಲ್ಲಿ *ಆರ್ಟ್ ಎಸ್ಟೇಟ್ಕಲಾ ನಿಕೇತನ*…   ತನ್ನ ಸ್ವಂತ ಜಮೀನಿನಲ್ಲಿ ಸ್ವಂತ ಕಲೆಯ ಪ್ರಾರಂಭಿಸಿದ ಬ್ರಹ್ಮಾಚಾರ್ಯ ಲೇಖಕ – ಶ್ರೀ ದೇವಿತೋ ನಾಗೇಶರವರು …  ಇವರ ಇಡೀ ಜೀವನವನ್ನ ಕಲಾಮಾತೆಯ ಆರಾಧನೆಯಲ್ಲೇ  ಕಳೆಯುತಿರುವ ಅವರು ಎಲ್ಲರಿಗೂ ಉಚಿತವಾಗಿ ಅವರ ಕಲಾಮಂಟಪಕ್ಕೆ ಆಹ್ವಾನವಿರಿಸಿದ್ದಾರೆ ,

ಹೆಚ್ಚಿನ ಸಂಖ್ಯೆಯಲ್ಲಿ ಭೇಟಿ ನೀಡಿದಲ್ಲಿ ವಿಶೇಷ ರೊಮಾಂಚನವೆನಿಸುವ ಆಟಗಳನ್ನು ತಿಳುವಳಿಕೆಯನ್ನು ನೀಡುವರು …

ಅವರಾ ಕಲಾಕುಟಿರದಲ್ಲಿ ಅನೇಕ ಬಗೆಯ ವಸ್ತು -ವೈಶಿಷ್ಟ್ಯವೆನ್ನಿಸುವ ವಸ್ತುಗಳನ್ನು ಸಂಗ್ರಹಿಸಿದ್ದು …
ನಮಗೇನೆ ವಿಚಿತ್ರವೆನಿಸುತ್ತದೆ ., ಅವರ ಅನುಭವ ಮಂಟಪವೇ ಅದು ಸರಿ …

ತಮ್ಮದೇ ಕಲಾವಂತಿಕೆಯಿಂದ –ಕುಸುರಿ, ಶಿಲ್ಪಕೆತ್ತನೆ ,ಹಾಗು ತ್ಯಾಜ್ಯ ವಸ್ತುಗಳಿಂದ , ಸೊಗಸಾದ ಚಿತ್ರಣವನ್ನೇ ಪ್ರಕೃತಿ ಮಡಿಲಿನಲ್ಲಿ ಸೃಷ್ಟಿಸಿದ್ದಾರೆ ,

ಒಮ್ಮೆ ಭೇಟಿ ನೀಡಿ ….

Create a free website or blog at WordPress.com.

Up ↑